पाल्पामा बस दुर्घटना, दुईको मृत्यु, १८ घाइते
पाल्पाः बुटवलबाट पाल्पाको रामपुर तर्फ जादै गरेको बस दुर्घटना हुँदा दुई जनाको मृत्यु भएको छ ।
ना ४ ख ९२१८ नम्वरको बस गएराति सिलुवा गाविस वडा नं. ४ वैछापमा दुर्घटना हुँदा दुई जनाको मृत्यु भएको छ भने १८ जना घाईते भएका छन ।
मृत्यु हुनेमा रामपुर नगरपालिका वडा नं. ८ मटेरीका ३८ वर्षका लालसिंह थापा, अन्दाजी ३४ वर्षका सनाखत नभएका पुरुष रहेका छन । सनाखत नभएका पुरुषको साथमा रहेको टिकटमा भने यमबहादुर मात्र रहेको ठेगाना नभएको प्रहरीले जनाएको छ । बस सडक बाट एक सय मिटर तल खसेका छ ।
दुर्घटना स्थलबाट उपचारको क्रममा तानसेन ल्याउदै गर्दा दुवै जनाको बाटोमा मृत्यु भएको हो । घाईतेहरुको लुम्विनी मेडिकल कलेज प्रभास तानसेनमा उपचार भईरहेको छ । दुर्घटना स्थल सदरमुकाम तानसेनदेखि ५५ किलोमिटर पुर्वमा पर्दछ ।
प्रतिक्रिया दिनुहोस !
