सुदूरपश्चिमाञ्चलको डोटी जिल्लास्थित गरसेडा गाविसका लक्ष्मी भण्डारी हुन् यिनी । उमेर कति पुग्यो आफैलाई थाहा छैन । राम्रोसँग आँखा देख्दैनन् । कान पनि कम सुन्छन् । यिनका आफ्ना छोराछोरी छैनन् । नजिकका आफन्तले यिनलाई काठमाण्डौमा ल्याएर पशुपति क्षेत्र नजिक केही दिन अघि छोडेर गए ।
लक्ष्मी पटक पटक हात जोडेर आफुलाई सरकारले बनाएको घरमा पुर्याइदिन अनुरोध गरिरहेका थिए । उनी डोटेली भाषा बोलीरहदा सायदै केहीले बुझ्थ्ये ।
यसरी सडक तथा शहरमा बेसाहारा देखिने सयौ भेटिन्छन् । तर हाम्रो नजरमा यिनी पर्नुमा यिनले कम्मरमा जतन साथ बेरेर राखेको असी हजार रुपैयाका कारणले हो । उनी सुतेको बेला केही केटाहरुले यिनीसँग रहेको ६ हजार रुपैयाँ चोरेर मात्रै लगेनन् पिटेर समेत गए । यिनीसँग पैसा थियो र हेर्नैहरुको भिड थियो ।
यो शहरमा सबैले पिटे, मलाइ लुट्यो भनेर पिडा सुनँइरहेका थिए । यो कम्मरमा बाधेर लुकाएर राखेको ८० हजार रुपैयाँ यिनीले आफुलाइ पाल्ने व्यक्तीलाइ दिन्छु भनेर राखेको थिए ।
यिनका आफन्तले फेरी फर्केर नआउनु भनेका रहेछन् । यिनी भन्दै थिए, म त पहिला पनि साहारा विहिन । अव त आफन्त्ले समेत घर फर्कर्ने ढोका बन्द गरिसके । हावाले छेक्ने र दुइ छाक खाना पाउने ठाँउ खोजिदिन आग्रह गरिरहेका थिए । त्यहि पर वागमति नदी त्यसरी नै सुसाइरहेको थियो । छेउमै, आर्यघाटमा पुतपुताइ रहेको धुँवा अनन्त आकाशमा विलिन भइरहेको थियो ।
भिडियो रिपोर्ट हेर्नुहोस
प्रतिक्रिया दिनुहोस !
