मोटरसाइकल चोरी
विराटनगरः विराटनगर ५ र ६ बाट सोमबार बिहान दुईवटा मोटरसाइकल चोरी भएका छन् ।
विराटनगर ६ का हरेराम यादव र विराटनगर-५ का चन्दन मण्डलको नाममा रहेका मोटरसाइकल चोरी भएको प्रहरीले जनाएको छ । प्रहरीका अनुसार यादवको को १० प ७७७८ नम्बरको पल्सर मोटरसाइकल र मण्डलको को २४ प ५४७३ नम्बरको ग्लामर मोटरसाइकल चोरी भएको हो ।
घरभित्र प्यासेजमा चावी लगाएको र लक गरेर राखिएको अवस्थाका मोटरसाइकल बिहान १ देखि २ बजे भित्रमा चोरी भएको प्रहरीले जानकारी दिएको छ ।
‘बिहान साढे १ बजेतिर घरमा केही खसे जस्तो आवाज आयो,’ मण्डलले भने, ‘उठेर हेर्दा मोटरसाइकल नभएको पाइएपछि चोरी भएको थाहा भयो ।’ प्रहरीले चोरीमा संलग्नको खोजीकार्य अघि बढाएको छ ।
प्रतिक्रिया दिनुहोस !
