काठमाडाैं: मलेसियमा एक नेपालीको हत्या भएको छ। वैदेशिक रोजगारीका लागि मलेसियामा पुगेका राधेश्याम पाण्डेको हत्या भएको हो।
पाण्डेको शव स्थानीय समय अनुसार आइतबार बिहान ८ बजेतिर मलेसियाको लोरोङ–१ पाडाङ नागासरीको स्थानीय खेल मैदानमा भेटिएको केन्द्रीय सेवेरंग पेरायी जिल्लाका प्रहरी प्रमुख एसीपी निक रोस दानी अब्दुल हमिदलाई उद्रित गर्दै द सनले जनाएको छ।
पाण्डे बुकित टेन्घामा रहेको एक कम्पनीमा कार्यरत थिए। उनको पेटमा छुरा रोपिएको र घाँटी रेटिएको पाइएको अब्दुलले बताएका छन्।
उनका अनुसार पाण्डेको के कारणले हत्या भएको हो भन्नेबारे खुल्न सकेको छैन। घटनाबारे थप अनुसन्धान भइरहेको प्रहरीले जनाएको छ।
प्रतिक्रिया दिनुहोस !
