काठमाडौं : नेपाली सेनाका अमल्दार युवराज घिमिरेको हत्या आरोपमा तीनजना पक्राउ परेका छन् । गत पुस २८ गते बाफल पुल नजिकै मृत फेला परेका घिमिरेको हत्या आशंकामा प्रहरीले तीन जनालाई पक्राउ गरेको हो ।
महानगरीय प्रहरी वृत्त कालिमाटी र स्वयम्भू वृत्तले संयुक्त अनुसन्धान गर्दा लुटेरा समूहले घिमिरेलाई बाटो छेकेर कुटपीट गरी हत्या गरेर खुलेको छ । लुटेरा समूहले उनको साथमा रहेको ल्यापटपलगायतका धनमाल लुटेर लगेका थिए । प्रहरीले गोरखा चनौदीका पवन कार्की, सर्लाही नयाँ रोडका रोसन परियार, बैतडीका कविन्द्र बोहोरालाई पक्राउ गरेको छ ।
पक्राउ परेका युवाको साथबाट प्रहरीले घिमिरेको साथमा रहेको ल्यापटप, आइफोन, कार्ड रिर्डर, घिमिरेको नाममा रहेको नेपाल ईन्भेष्टमेन्ट बैंक र लक्ष्मी बैंकको एटिएम कार्ड बरामद गरेको छ । लुटिएको मोबाइल खरिद गरेको आरोपमा प्रहरीले काभ्रे तुमाल घर भइ हाल स्वयम्भू बस्ने रुपेश श्रेष्ठलाई समेत पक्राउ गरेको छ ।
चाटार बस्ने घिमिरे भद्रकालीस्थित सैनिक अभिलेखालयमा दरवन्दी रहेपनि सानोभ¥याङस्थित नेपाली सैनिक मेडिकल कलेजमा कार्यरत थिए । महानगरीय प्रहरी परिसर टेकुका प्रवक्ता एसपी प्रद्युम्न कार्कीले भन, ‘प्रारम्भीक अनुसन्धान गर्दा लुट्ने उद्देश्यले घिमिरेलाई ढुंगाले हानेर हत्या गरेको रहस्य खुल्यो, थप अनुसन्धान गर्दैछौ।’
प्रतिक्रिया दिनुहोस !
