चितवन : व्यवसायमा एकरुपता ल्याउन कुखुरा व्यवसायीले अण्डाको मूल्य निर्धारण गरेका छन् ।
नेपाल अन्डा उत्पादक सङ्घ केन्द्रीय समिति र अन्डा बिक्रेताले मूल्यमा एकरुपता ल्याउन मूल्य निर्धारण गरेका हुन् । जिल्लालाई आधार मानी अन्डाको मूल्य यही माघको पहिलो हप्तादेखि नै लागू हुने गरी घटाइएको सङ्घका केन्द्रीय अध्यक्ष शिवराम केसीले जानकारी दिए ।
ठूलो अन्डा प्रतिक्रेट फार्म मूल्य ३४५ र बिक्री मूल्य ३५० कायम गरिएको छ । मध्यम अन्डा प्रतिक्रेट फार्म मूल्य रु ३२५ र बिक्री मूल्य रु ३३० कायम गरिएको छ ।
यसअघि ठूलो अन्डा प्रतिक्रेट फार्म मूल्य ३५५ र बिक्री मूल्य ३६५ कायम गरिएको थियो भने मिडियम अन्डा फार्म मूल्य ३४० र बिक्री मूल्य ३५० थियो ।
जिल्लामा दैनिक करिब नौ लाख अन्डा उत्पादन हुँदै आएको छ । उत्पादनको करिब ९० प्रतिशत अन्डा काठमाडौं पोखरालगायत पूर्वी नेपालमा निर्यात गरिन्छ । व्यवसायीले मौसम र समयको परिस्थिति हेरी अन्डाको मूल्य हेरफेर गर्दै आएका छन् । रासस
प्रतिक्रिया दिनुहोस !
