काठमाडौं : काठमाडौं विश्वविद्यालयको उपकुलपततिमा प्राध्यापक डा. रामकण्ठ माकजु नियुक्त भएका छन् । प्रधानमन्त्री तथा विश्वविद्यालयका कुलपति पुष्पकमल दाहाल ‘प्रचण्ड’ ले शुक्रबार बिहान माकजुलाई उपकुलपतिमा नियुक्त गरेका हुन् ।
माकजु दोस्रो कार्यकालका लागि उपकुलपति बनेका हुन् । माकजुको चार वर्षे कार्यकाल गत मंसिर २६ गते सकिएको थियो ।
उपकुलपतिको नाम सिफारिस गर्न गठन गरिएको छनोट समितिले दुई साताअघि माकजुसहित पाँच जनाको नाम प्रधानमन्त्रीलाई बुझाएको थियो । छनोट समितिमा शिक्षामन्त्री धनीराम पौडेल, विश्वविद्यालयकै पूर्व उपकुलपति सुरेशराज शर्मा तथा सिनेट सदस्य दमननाथ ढुंगाना थिए ।
समितिले विश्वविद्यालकै रजिष्ट्रार भोला थापा, पूर्व रजिष्ट्रार भद्रमान तुलाधर, पूर्व डीन मनप्रसाद वाग्ले तथा विश्वविद्यालयकै वायोटेक्नोलोजी विभागका प्रमुख जनार्दन लामिछानेको नाम सिफारिस गरेको थियो ।
प्रतिक्रिया दिनुहोस !
