त्रिशुली नदीमा ट्रक खस्यो, चालकको मृत्यु
जोगीमाराः धादिङको जोगिमारा–१ हुदी खोलास्थित त्रिशुली नदीमा ट्रक खस्दा चालकको मृत्यु भएको छ।
दुर्घटनामा घाइते भएका ट्रकका चालक मकवानप्र मदनपोखरी गाविसका ३० वर्षीय विवेक थिङको उपचारका क्रममा मृत्यु भएको प्रहरीले जनाएको छ।
चितवनबाट काठमाडौं जाँदै गरेको ना ६ ख ७३७० नम्वरको कन्टेनर ट्रक आफै अनियन्त्रित भएर त्रिशुली नदीमा खसेको प्रहरीले जनाएको छ।
दुर्घटनामा घाइते भएका सहचालक सोही ठाउँका १६ वर्षीय रोजन तितुनको राजमार्ग सामुदायिक अस्पताल मलेखुमा उपचार भइरहेको छ।
प्रतिक्रिया दिनुहोस !
