काठमाडौं : इंग्लिस प्रिमियर लिग अन्तर्गत शनिबार रातिको खेलबाट म्यानचेस्टर युनाइटेडका कप्तान वायने रुनी क्बमा सर्वकालिन गोलकर्ताको कीर्तिमान बनाउन सफल भएका छन् ।
शनिबार राति भएको स्टोक सिटीसँगको खेलबाट रुनीले यस्तो कीर्तिमान बनाएका हुन् । सिटीसँगको खेलको इन्जुरी समयमा रुनीले गरेको गोल नै कीर्तिमान बनाउन सफल भयो ।
इन्जुरी समयमा रुनीले गरेको बराबरी गोल नै युनाइटेडका लागि गरेको दुई सय ५० औँ गोल बनेको छ । यो गोलसँगै यसअघि सन बार्बी चार्लटनको कीर्तिमान तोडिएको छ ।
शनिबार रातिको खेलमा भएको उनको एतिहासिक गोल प्रिमियर लिगको यो सिजनको दोस्रो गोल हो । शनिबार रातिको खेलमा युनाइटेडका आन माटाले १९ औं मिनेटमा आत्मघाती गोल गरेपछि स्टोकले अग्रता लिएको थियो ।
तर, इन्जुरी समयमा रुनीले युनाइटेडका लागि एतिहासिक गोल गर्दै खेललाई बराबरीमा फर्काए । इन्जुरी समयमा उनले क्लबलाई हारबाट मात्र जोगाएनन् उनी युनाइटेडका सर्वकालिन सर्वाधिक गोलकर्ता पनि बने ।
सन् २००४ मा एभर्टनबाट युनाइटेडमा आबद्ध भएका रुनी क्लबको इतिहासमा सर्वाधिक गोलकर्ता बन्न सफल भएका हुन् । यो कीर्तिमानका लागि उनले पाँच सय ४६ खेल खेलेका छन् ।
शनिबार रातिको बराबरीपछि २२ खेलबाट ४१ अंकसहित युनाइटेड छैटौं स्थानमा छ ।
तस्बिरः डेलीमेल
प्रतिक्रिया दिनुहोस !
