मलेसियामा एक नेपालीकाे मृत्यु
क्वालालम्पुरः रोजगारीको सिलसिलामा मलेसिया आएका एक नेपालीको मृत्यु भएको छ।
प्यूठानका दिपक नेपालीको मृत्यु भएको उनका साथी छत्र लकाइले जानकारी दिए।१० दिन अघिदेखि पेट दुखेको र काममा जान नसकेका उनको आइतवार आफ्नै कोठामा मृत्यु भएको हो।
क्वालालम्पुरस्थित एक्सपिड सेक्युरेटी कम्पनीमा कार्यरत नेपाली ११ महिना अघिमात्रै मलेसिया आएका थिए। पटक–पटक बिरामी भएको र काममा जान नसकेको खबर कम्पनीमा नेपालीले गरेपनि उनको उपचारमा कम्पनीले ध्यान नदिएकै कारण उनको ज्यान गएको उनका साथी छत्रले बताए।
उनको शव क्वालालम्पुरस्थित अस्पतालमा राखिएको छ।
प्रतिक्रिया दिनुहोस !
