काठमाडौः नाई नभन्नु ल ४ मा अभिनय गरेर राम्रो माया बटुलेकी कलाकार याङशु श्रेष्ठले देउडा गीतमा नृत्य गरेर अहिले सांगीतिक बजार तताएकी छिन् ।
केही महिना अघि समिर आचार्य र टिका प्रसाईको आवाजमा बजारमा आएको गीतको हालै निर्माण भएको कभर भिडियोमा याङशु संगै सबिन भुषाल, सर्चिता केसी, दिपेश महरा, अञ्जली बुढाथोकी र किरण कुवँर आफ्नो नृत्य कला देखाएका छन् ।
दाङ जिल्लाका बिभिन्न रमणीय ठाउँहरुमा सन्देश शाहले गीतलाई न्याय दिएर खिचेका छन् । किरण कुवँरको कोरियोग्राफी रहेको भिडियोलाई सन्देशले नै निर्देशन र सम्पादन गरेका हुन् ।
समिर आचार्यको शब्द र संगीत रहेको गीतको ओरिजिनल भिडियोमा निराजन, नम्रता र पवन नाचेका छन् । आफुले सोंचेभन्दा धेरै राम्रो भिडियो बनेको समिरले बताएका छन् ।
‘मोफसलमा पनि यती राम्रो भिडियो निर्माण हुन सक्दोरैछ म आफैमा दङग छु’ समिरले बताए । प्रस्तुत भिडियोले गीतको उचाई अझै माथी पुर्याउनेमा समिर विश्वस्त छन् ।
भिडियाे हेर्नुहाेस्
प्रतिक्रिया दिनुहोस !
