क्यान इन्फोटेकमा दीपक-दीपा सोलार कारमा सरर... (भिडियोसहित)
काठमाडौं: छक्का-पञ्जाका कलाकार दीपक राजगिरी र दीपाश्री निरौलाले सोलार हाइब्रिट कारको अवलोकन गरेका छन्।
राजधानीको भृकुटीमण्डपमा जारी सुबिसु क्यान इन्फोटेकको दोस्रो दिन दीपक-दीपाले सोलार कारको अवलोकन गरेका हुन्। उनीहरुले सोलार कारमा चढेर इन्फोटेकमा भएको गतिविधिलाई अवलोकन गरकेा थिए।
सोलार कार कस्तो लाग्यो भन्ने सञ्चारकर्मीको प्रश्नमा कलाकार दीपक राजगिरीले भने, 'यो राष्ट्रको राष्ट्रिय बाहन हो। यसरी नै अब स्वदेशी उत्पादन बनाएर देश बनाउनु पर्छ। विस्तारै देश बन्दैछ। सोलार कारलाई राज्यले प्रवर्द्धन गर्नु जरुरी छ। साथै युवाहरुलाई सक्रियतापूर्वक सृजनातमक काम गर्न आग्रह गर्छु।'
उनले आफू यसअघि पनि क्यान इन्फोटेक साथीहरुसँग अवलोकन गरेको बताउँदै यसले सूचना प्रविधिमा नयाँ आयाम थपेको बताए। यसतै दीपाले सोलार कार देशको सम्पत्ति भएकाले यसमा राज्यले लगानी गर्नु पर्नेमा जोड दिइन्।
प्रतिक्रिया दिनुहोस !
