काठमाडौं : पञ्चेबाजा गीत ‘ओरालीमा बर’ युट्युब मार्फत सार्वजनिक भएको छ। विवाहको लगन महिनालाई लक्षितगर्दै वसन्त फिल्मस् प्रालिलेले म्युजिक भिडियो सार्वजनिक गरेको हो।
शरद पाण्डे र देवी घर्ती मगरको स्वरमा तयार भएको गीतका शब्दको रचना स्वयम् पाण्डेले गरेका हुन् । वसन्त थापाको लयमा तयार भएको गीतको म्युजिक भिडियोमा केशव कँडेल दुलाहा र रञ्जिता कटुवाललाई दुलहीको रुपमा देख्न सकिन्छ ।
भिडियोमा तिलु शर्मा पौडेल, मञ्जिता केसी, ईश्वर काफ्ले, मोहन शाहको अभिनय रहेको छ । प्रकाश भट्टको निर्देशन रहेको ‘ओरालीको बर’ गीतको म्युजिक भिडियोलाई हरिहर महराले छायांकन गरेका हुन भने विष्णु शर्माले सम्पादन गरेका हुन् ।
कतारमा रहेका नेपालीमाझ सामाजिक अभियान्ताको पहिचान बनाएका तिलु शर्माले पहिलो पटक म्युजिक भिडियोमा अभिनय गरेका छन् । प्रवासमा रहेका नेपाली कलाकारलाई एकजुट गराउन स्थापना भएको वसन्त फिल्मस् प्रालिले सांगीतिक क्षेत्रमा विभिन्न काम गर्दै आएको छ। प्रालिले स्वदेश विदेशमा समस्यामा परेका नेपालीलाई सक्दो आर्थिक तथा भौतिक सहयोग गर्दै आएको छ ।
प्रतिक्रिया दिनुहोस !
