बङ्गलादेशमा बस दुर्घटना, ११ जनाको मृत्यु
ढाका: बङ्गलादेशको नर्सिङगदी जिल्लामा दुई वटा यात्रुबहाक बस एक आपसमा ठोक्किँदा भएको दुर्घटानमा परी कम्तीमा ११ जनाको मृत्यु भएको छ।
यस घटनामा परी अन्य तीन जना घाइते भएका जिल्ला प्रहरी प्रमुख अमेना बेगमले जानकारी दिएको समाचार छ। दुई बालबालिका र चार महिलासहित एघार यात्रुको घटनास्थलमै मृत्यु भएको बेगमले जानकारी दिए।
स्थानीय समयानुसार विहान ९ बजे दुर्घटना भएका दुवै बसका घाइते यात्रुहरुको अवस्थापनि गम्भीर रहेको प्रहरीले जनाएको छ। घाइतेहरुको स्थानीय अस्पतालमा उपचार भईरहेको छ।
एक मिनिबसले अर्को बसलाई उछिन्न खोज्दा दुर्घटना भएको प्रहरी प्रमुख बेगमले जानकारी दिए। बङ्गलादेश सडक दुर्घटनामा परी अत्याधिक व्यक्तिहरुको मृत्यु हुने देशमा पर्दछ। रासस/सिन्ह्वा
प्रतिक्रिया दिनुहोस !
