काठमाडौँ : गायिका बसन्ता प्रकृतिको गीतमा नायिका केकी अधिकारीको अभिनय समेटिएको म्युजिक भिडियो सार्वजनिक भएको छ। बसन्ताको ‘मनमा’ एल्बममा समावेश एक नम्बर ट्रयाकको ‘हेरी तिम्रो नजरमा’ बोलको गीतको भिडियो सार्वजनिक भएको हो।
दीपक कौडिन्याको शब्द सिर्जनामा चण्डीप्रसाद काफ्लेले संगीत भरेका छन्। म्युजिक भिडियोमा केकीलाई अभिनयमा निकित बिकेले साथ दिएका छन् ।
अर्जुन अधिकारीले निर्देशनमा तयार भएको म्युजिक भिडियोको कोरियोग्राफी सुरेन बस्यालले गरेका हुन्। हरि हुमागाईले छायांकन गरेको भिडियोको सम्पादन निशान घिमिरेले गरेका हुन् ।
प्रेम जोडी रमाउने समय अर्थात् विश्व प्रेम दिवसको अवसरमा युटुवमार्फत् सार्वजनिक भएको भिडियोमा केकीको दमदार अभिनय देख्न सकिन्छ।
प्रतिक्रिया दिनुहोस !
