इलामः इलामको कोल्बुङ-२ मा ट्रक दुर्घटना हुँदा आठजना घाइते भएका छन्। घाइतेमध्ये दुर्इजनाको अवस्था गम्भीर रहेको प्रहरीले जनाएको छ। झापाको विर्तामोडबाट सोमबार बिहान इलामको पशुपतिनगरतर्फ गोलिया लिन गइरहेको को ३ प ६०६० नम्बरको ट्रक राजमार्गबाट करिब सय मिटर तल खसेर दुर्घटना भएको हो।
दुर्घटनामा कन्काई नगरपालिका-८ निवासी २६ वर्षीय विनोद तामाङ, सोही स्थानका २१ वर्षीय प्रवीण पौडेल, धाइजन-६ का १७ वर्षीय राजीव विक, कन्काई नगरपालिका-२ का ३३ वर्षीय राजेश राई, धाइजन-४ का २१ वर्षीय विवेक सुब्बा, कन्काई नगरपालिका-८ कै २६ वर्षीय सुमन पौडेल सामान्य घाइते र झापा बुधवारे-४ का २४ वर्षीय सविन धिमाल र कन्काई नगरपालिका-८ कै ४२ वर्षीय दीपक राई गम्भीर घाइते भएको जिल्ला प्रहरी कार्यालय इलामका प्रहरी उपरीक्षक सुशीलकुमार यादवले जानकारी दिए ।
घाइतेलाई उपचारका लागि झापाको विर्तामोडस्थित बी एन्ड सीमा लगिएको छ । ट्रक अचानक अनियन्त्रित भई दुर्घटना भएको प्रहरीले जनाएको छ । रासस
प्रतिक्रिया दिनुहोस !
