३२ घण्टापछि खुल्यो विपी राजमार्ग
सिन्धुलीः विपी राजमार्ग अन्तर्गतको सिन्धुली–बर्दिबास सडकखण्ड ३२ घण्टापछि सुचारु भएको छ। वैकल्पिक ड्राइभर्सन निर्माण गरेर आइतबार रातिदेखि अवरुद्ध भएको सडकखण्ड मंगरबार बिहानबाट सञ्चालनमा ल्याइएको हो।
सुख्खा पहिरोका कारण सडक सुनकोशी नदीमा खसेपछि अवरुद्ध भएको सडकमाथिबाट झण्डै २ किलोमिटर ट्रयाक निर्माण गरी ड्राइभर्सन तयार भएपछि यातायातका साधनहरु सञ्चालनमा ल्याइएको सिन्धुलीका प्रहरी प्रमुख उमाशंकर पंन्जीयारले बताए।
ड्राइभर्सन ट्रयाक कच्ची र साँघुरो भएकाले साना सवारी साधनलाई मात्र सञ्चालनमा ल्याइएको छ।
आइतबार राति शीतलपाटी–९ को बेनीघाट नजिकै गएको सुख्खा पहिरोका सडक सुनकोशी नदीमा खसेपछि राजमार्ग अवरुद्ध भएपछि राजधानी काठमाडौं भित्रिने र बाहिरने हजारौं सवारी साधनहरु बाटोमै रोकिएका थिए।
प्रतिक्रिया दिनुहोस !
