काठमाडौः नेपाल भ्रमणमा रहेका भारतीय केन्द्रीय रेलमन्त्री सुरेशप्रभाकर प्रभुले कांग्रेस सभापति शेरबहादुर देउवा र नयाँ शक्तिका संयोजक बाबुराम भट्टराईसँग भेटवार्ता गरेका छन् ।
उद्योग परिसंघले आयोजना गरेको ‘नेपाल पूर्वाधार सम्मेलन-२०१७' मा भाग लिन राजधानी आएका भारतीय रेलमन्त्रीले प्रमुख राजनीतिक दलका नेतासँग भेटेका हुन् । उनले प्रमुख प्रतिपक्षी दल नेकपा एमालेका कुनै पनि नेतासँग भेटवार्ता गरेनन् ।
दुवै नेतासँगको भेटमा नेपालको पछिल्लो राजनीतिक अवस्था र नेपाल-भारत सम्बन्धबारे कुराकानी भएको थियो । भारतले नेपालसँग रेल, हवाई र सडक सम्पर्क विस्तारलाई प्राथमिकतामा राखेको उनले बताएका थिए । उनले नेपालका राजनीतिक दलको सहमतिमा सबै पक्षको भावना समेटेर संविधान संशोधन होस् भन्ने भारतीय चाहना रहेको बताएका थिए ।
भारतीय रेलमन्त्रीले नेपालका राजनीतिक दलको सहमतिमा सब पक्षको भावना समेटेर संविधान संशोधन होस् भन्ने भारतीय चाहना रहेको बताए । उनले प्रमुख प्रतिपक्षी दल नेकपा एमालेका कुन पनि नेतासँग भेट गरेनन् ।
राष्ट्रपति विद्यादेवी भण्डारीसँग भारतीय रेलमन्त्रीले आइतबार भेट गरेका थिए । भेटमा राष्ट्रपति भण्डारीले नेपाल-भारतबीच नङमासुजस्तो सम्बन्ध रहेको बताएकी थिइन् । ‘नेपाल-भारत सम्बन्ध नङ-मासुजस्तो हो । यो सम्बन्ध कसैले बिथोल्न/बिगार्न सक्दैन । दुई सरकारबीच भन्नुभन्दा नेपाल-भारत सम्बन्ध एउटै परिवारजस्तो हो', राष्ट्रपतिलाई उद्धृत गर्दै भारतीय दूतावासले जनाएको छ । भारतीय रेलमन्त्रीले नेपालको विकासमा भारत महत्ववपूर्ण साझेदार हुन चाहेको बताए ।
भारतीय रेलमन्त्रीले नेपालका राजनीतिक दलको सहमतिमा सब पक्षको भावना समेटेर संविधान संशोधन होस् भन्ने भारतीय चाहना
प्रधानमन्त्री पुष्पकमल दाहालसँग पनि भारतीय रेलमन्त्रीले सोमबार भेट गरे । प्रधानमन्त्री दाहाल र भारतीय रेलमन्त्रीबीच विभिन्न पूर्वाधार परियोजनामा भारतीय लगानी, जलवायु परिवर्तन र परियोजना अनुगमन संयन्त्रसम्बन्धमा छलफल भएको दूतावासले जनाएको छ । भारतीय रेलमन्त्रीले नेपालको पूर्वाधार विकासमा भारतको सहयोग रहने विश्वास दिलाए ।
भौतिक पूर्वाधार तथा यातायातमन्त्री रमेश लेखकले पूर्व-पश्चिम रेलमार्ग निर्माणमा सहयोग गर्न भारतीय रेलमन्त्रीसँग आग्रह गरे । भारतीय रेलमन्त्रीले नेपालको पूर्व-पश्चिम रेल पूर्वाधार निर्माणमा सहयोग गर्न भारत तयार रहेको बताए । भेटवार्तामा सीमापार रेल परियोजना, हुलाकी सडक निर्माण, अन्तरदेशीय प्रसारण लाइन र हवाई सम्पर्क विस्तारबारे विस्तृत छलफल भएको थियो ।
नेपाल-भारतबीच निर्माणाधीन जयनगर-बिजलपुरा-बर्दिबास र जोगबनी-विराटनगर सीमापार रेल परियोजनाको समीक्षा भएको भौतिक पूर्वाधार तथा यातायात मन्त्रालयले जनाएको छ । काँकडभिट्टा-न्यू जलपाइगुडी र भैरहवा-नौतनवा सीमापार रेल निर्माण शीघ्र थाल्ने विषयमा नेपाल-भारत दुवै सहमत भएका छन् ।
भारतीय रेलमन्त्रीले पर्यटनमन्त्री जीवनबहादुर शाही, ऊर्जामन्त्री जनार्दन शर्मा र परराष्ट्रमन्त्री डा. प्रकाशशरण महतसँग पनि भेटवार्ता गरे । उनले पशुपतिनाथको दर्शन पनि गरेका थिए ।
प्रतिक्रिया दिनुहोस !
