एन्जेलिना जोली भन्छिन्- सम्बन्ध विच्छेदपछि मुस्किलले जिउँदैछु

हलिउडमा गोल्डेन कपलका रूपमा ख्याति कमाएका ब्राड पीड र एन्जेलिना जोलीको सम्बन्धविच्छेदले उनका फ्यान जति दुःखी भए वास्तविक जीवनमा आफूलाई त्यत्तिकै गाह्रो भइरहेको जोलीले खुलासा गरेकी छन् ।

लगभग एक दशकसम्म दाम्पत्य जीवन बिताएर गत वर्ष छुट्टिएका उनीहरूबारे आएका अनेकन अपवाहलाई कहिल्यै वास्ता गरेनन् । तर, पछिल्लो समय जोली सम्बन्धविच्छेदबारे खुलेर बोल्न थालेकी छन् । ‘मेरो सम्बन्धबारे धेरै बताउन चाहन्नँ तर यति भन्छु, यो समय मेरा लागि निकै मुस्किलले गुज्रिरहेको छ’, एक अन्तर्वार्तामा उनले भनेकी छन्, ‘हामी अलग भए पनि एक परिवारजस्तै हौं र त्यसरी नै रहिरहनेछौं ।’

सन २०१६ सेप्टेम्बरमा सहमतिमै सम्बन्धविच्छेदका लागि आफूले अदालतमा रिट दिएको पनि उनले स्पष्ट पारेकी छन् । ‘हामी अहिले अप्ठ्यारो समयबाट गुज्रिरहेका छौं तर यो समस्याबाट चाँडै निस्किन्छौं’, जोलीले भनेकी छन्, ‘हामी एउटा अशल परिवारका रूपमा उभिनेछौं ।’

व्यक्तिगत जीवन र कतिपय पारिवारिक प्रसंग गोप्य राख्न मन पराउने जोली पछिल्लो समय जोली सम्बन्धविच्छेदबारे खुलेर बोल्न थालेकी छन् ।

व्यक्तिगत जीवन र कतिपय पारिवारिक प्रसंग गोप्य राख्न मन पराउने जोली र पीटबीच सन् २००५ मा ‘मीस्टर एन्ड मीसेस स्मीथ’ को छायांकनका क्रममा पहिलो भेट भएको थियो । त्यसैबेलादेखि उनीहरूले रिलका लागि मात्र नभई रियल लाइफमा रोमान्स सुरु गरेका हुन् ।

लामो समय चलेको अफेयर्स र रोमान्सपछि उनीहरूले सन् २०१२ मा इन्गेजमेन्ट गरेका थिए । इन्गेजमेन्ट हुनु धेरै वर्ष अघिदेखि उनीहरू लिभिङ टुगेदरको सम्बन्धमा थिए । ब्राडले जोलीका लागि इन्गेजमेन्ट रीगं डिजाइन गराउन लगभग एक वर्ष लगाएको प्रसंगले पनि धेरै चर्चा पाएको थियो । जसमा उनले जोलीप्रति समर्पित छु भन्ने सन्देश दिन चाहेका थिए ।

इन्गेजमेन्ट भएको दुई वर्षपछि उनीहरूले फ्रान्समा आयोजित विशेष समारोहमा विवाह गरेका थिए । यो जोडीका आफ्नै र अपनाएका गरी ६ जना बच्चा छन् । सम्बन्धविच्छेदपछि सबै बच्चा जोलीसँग बस्दै आएका छन् ।