युवालाई र्यापमा झ्याप बनाउँदै पूर्व मिस नेपाल मलिना जोशी (भिडियो)
फागुन १२, २०७३ बिहीबार १५:१३:०
काठमाडौं : मिस नेपाल भन्ने बित्तिकै युवाहरु हुरुक्क हुन्छन् । अझ प्रेममा फसेका फण्डा सार्वजनिक नभएकी पूर्वमिस नेपाल मलिना जोशी । तिनै मिस नेपालसँग र्याप गीतमा झ्याप हुने थुप्रै युवाको रहरलाई गायक बिपी वाग्लेले पुरा गरिदिएका छन् ।
गायक वाग्ले एक्लो जीवनमा एप्लिकेसन हाल्न अनुरोध गर्छन् र गीतमा भन्छन्, ‘हालीदेऊ आज एप्लिकेसन, पठाई दिहाल्छु नोटिफिकेसन ।’ नेपाली भन्दा अंग्रेजी शब्द प्रयोग भएको गीत युवापुस्तालाई टार्गेट गरेर तयार पारेको गायक बताउछन् ।
‘युवा पुस्ताको जीवनशैली र दैनिकीलाई आधार बनाएर गीत अनुसारकै म्युजिक भिडियो बनाएका छौँ’, गायक वाग्ले भन्छन्, ‘मिस नेपालसँगै युवालाई र्यापमा उतार्ने यो एउटा नृत्य गर्न लायक भिडियो हो ।’
गीतको बोल नै ‘सिंगल छु’ मा मलिना र्यापमा मजाले खुलेकी छिन् । रचल शर्माले रचना गरेको गीतमा वाग्लेको श्वरमा सुरेस अधिकारीको संगीत सुन्न सकिन्छ ।
‘उत्सर्ग’ एल्बममा समेटिएको गीतको र्याप म्युजिक भिडियोमा मलिना जोशीसँगै विकास लामिछानेले अभिनय गरेका छन्। रुद्र बोहोराले निर्देशन गरेको म्युजिक भिडियोको कोरियोग्राफी दीपेन्द्र शाही ठकुरीले गरेका हुन् भने छायांकनमा उत्सव दाहालले मिहिनत गरेका छन् ।
प्रतिक्रिया दिनुहोस !
