काठमाडौः राष्ट्रिय बिमा संस्थान ५०औं वर्षमा प्रवेश गरेको छ । उक्त अवसरमा उपप्रधान तथा अर्थमन्त्री कृष्णबहादुर महराले राष्ट्रिय बिमा संस्थानको सांगठनिक संरचनालाई संघीय ढाँचामा लैजान सुझाव दिएका छन् ।
बिमा संस्थान ५०औं वर्ष प्रवेश गरेको उपलक्ष्यमा कार्यालय परिसरमा स्वर्णजयन्ती स्तम्भको आइतबार अनावरण गर्दै अर्थमन्त्री महराले उक्त कुरा बताएका हुन् । सरकारी स्वामित्वमा सञ्चालित बिमा संस्थानले ग्रामीण क्षेत्र तथा विदेश जाने नेपालीसमेतलाई समेटी पुँजीलाई मुलुकको आर्थिक विकासमा परिचालन गर्नुपर्नेमा उनले जोड दिए ।
बिमा व्यवसायलाई निजी क्षेत्रको तुलनामा बृहत्तर बनाई पुरानो वर्षको लेखा परीक्षण यथासक्य छिटो गर्न महराले आग्रह गरे । आन्तरिक पुँजी परिचालन र विदेशी मुद्राको व्ययभार रोक्ने उद्देश्यले स्थापना भएको राष्ट्रिय बिमा संस्थान ५०औं वर्षमा प्रवेश गरेको अवसरमा स्वर्णजयन्ती स्मारक निर्माण भएको हो ।
प्रतिक्रिया दिनुहोस !
