बियोन्सको ठाउँमा लेडी गागा
अन्ततः ‘कोएचेला भ्याली म्युजिक एन्ड आर्ट फेस्टिबल’मा महिला कलाकारले नै लिड गर्ने भएकी छन् । अप्रिल १५ देखि २२ सम्म हुने फेस्टिबलमा लेडी गागा सहभागी हुने भएपछि महिला कलाकारको नेतृत्व सुनिश्चित भएको हो ।
यसअघि बियोन्सलाई हेडलाइनर तोकेकोमा उनी गर्भवती भएकाले आउन नसक्ने भएपछि विख्यात सांगीतिक फेस्टिबलमा दशकमै पहिलोपटक हुने महिला नेतृत्व अन्योलमा परेको थियो । ‘लौ मरुभूमिमा पार्टी गरौं’ कार्यक्रमको पोस्टर सार्वजनिक गर्दै लेडी गागाले इन्स्ट्राग्राममा खुसी व्यक्त गरेकी छन् ।
हरेक वर्ष दक्षिणी क्यालिफोर्नियाको मरुभूमिमा हुने कोचिला महोत्सव संगीत र फ्यासनले भरिपूर्ण हुन्छ । जहाँ झन्डै दुई लाख मानिस सहभागी हुन्छन् ।हरेक हप्ता महोत्सवको तयारीमा जुटिरहेकी बियोन्स पछिल्लो हप्ता डाक्टरको निर्देशनअनुसार उपस्थित हुन छाडेकी हुन् ।
उनले जुम्ल्याहा बच्चाको आशा गरिरहेकी छन् । लेडी गागा भने अगस्ट १ देखि सुरु हुने विश्व भ्रमणको तयारीमा छन् । उनले वर्षको अन्त्यसम्ममा उत्तरी अमेरिकादेखि युरोपसम्मको यात्रा गर्ने योजना छ ।
प्रतिक्रिया दिनुहोस !
