पुरुष र महिलाबीच कहिल्यै भेदभाव नगर्ने बताउँदै आएका बलिउड महानायक अमिताभ बच्चनले व्यवहारमा उक्त कुरा गरेर देखाएका छन् । उनले ट्विटमा ब्यानरसहितको फोटो सार्वजनिक गर्दै मृत्युपछि आफ्नो नाममा रहेको सम्पत्ति छोरा अभिषेक बच्चन र छोरी श्वेता नन्दालाई समान रूपमा बाँडिने उल्लेख गरेका छन् ।
महिला दिवसको पूर्वसन्ध्यामा बलिउड महानायक अमिताभले गरेको यो घोषणाको उनका प्रशंसकले निकै प्रशंसा गरेका छन् । धेरैले उनलाई रिल जीवनको मात्र होइन ‘रियल' जीवनको पनि ‘हिरो' भनेका छन् ।
अमिताभले महिलाका पक्षमा सधैं वकालत गर्दै आएकोमा उनले गरेको यो घोषणाले महिला पुरुष समानताको पक्षमा ठूलो काम गर्ने विश्वास उनका प्रशंसकदेखि आममानिसले गरेका छन् ।
उनलाई उनका प्रशंसकहरूले ‘अमिताभ रिलमात्र होइन रियल लाइफका महानायक' हुन् भनेर सलाम गरेका छन् । –एजेन्सी
प्रतिक्रिया दिनुहोस !
