काठमाडौंः नायिका निशा अधिकारी आफ्नो प्रेमीसँग अङगालोमा बाधिएर हिडिरहेकी हुन्छिन् । उनलाई अर्काे एउटा केटाले पनि मन पराएको हुन्छ । त्यसलाई निशाले मान्छे लगाएर कुटाउँछिन् । प्रेमीसँग उनको माया बिस्तारै बेड सम्म पुग्छ।
उनीहरु बीचको त्यो प्रेमालापको भिडियो खिचेर उनका प्रेमीले सबै साथीहरुलाई देखाउँछन अनि उनको सामुहिक बलात्कार हुन्छ । उनलाई माया गर्ने केटा निशालाई बचाउँन जान्छ तर उ पुग्दा धेरै ढिला भैसकेको हुन्छ। बिचरा निशा अरु के गर्न सक्थिन र हम्फालेर आत्महत्या गर्छिन। यो ‘चाहे माया गर’ गीतको म्युजिक भिडियो भित्रको कथा हो ।
शिव लामिछानेको शब्द संगीत तथा स्वर रहेको उक्त गीतको भिडियोलाई पासाङ् योञ्जन लामाले निर्देशन् गरेका हुन। ज्ञानेन्द्र शर्माको छायाङ्कन रहेको भिडियो प्रविन श्रेष्ठको सम्पादनमा तयार भएको हो। भिडियोमा निशा अधिकारी, जीवन, सुमन र विज्ञानको अभिनय रहेको छ।
म्युजिक भिडियोले सामान्य चिनजानकै भरमा जो कोहीलाई धेरै विश्वास गर्दा त्यसले कस्ता दुर्घटना निम्त्याउँछ भन्ने यथार्थतालाई उजागर गरेको छ ।
(हेर्नाेस् भिडियो)
प्रतिक्रिया दिनुहोस !
