नेपाल वायु सेवाले रणनीतिक साझेदार ल्याउन पत्र पठायो
काठमाडौं : नेपाल वायु सेवा निगममा रणनीतिक साझेदारी भित्र्याउने प्रक्रिया अगाडि बढेको छ। संस्कृति, पर्यटन तथा नागरिक उड्डयन मन्त्रालयले नेवानीका रणनीतिक साझेदार ल्याउनका लागि पाँच भन्दा बढी मुलुकका एयरलाइन्स कम्पनीलाई पत्रचार गरिसको छ।
मन्त्रालयका सह–सचिव बुद्धिसागर लामिछानेको अनुसार निगममा रणनीतिक साझेदारी भित्र्याउनका लागि राजदूतावास मार्फत् विश्वका चर्चित एयरलाइन्सलाई पत्र पठाइएको हो।
मन्त्रालयका अनुसार जर्मनको लुफ्फान्सा, फ्रान्सको एयर फ्रान्सलगायत अमेरिका, अष्ट्रेलिया र बेलायतमा रहेका राजदूतावास मार्फत् पत्रचार भइसकेको छ।
मन्त्रालयले अप्रिल १७ तारिकसम्म आफू साझेदारी बन्न चाहने वा नचाहने गरी आशाय पत्र पठाउन आग्रह गरेको छ। साथै मन्त्रालयले १० वर्षसम्म एक पटक निर्णय भएको अवस्थामा साझेदारी निरन्तर रहने सक्ने गरी प्रस्ताव गरेको छ। तर, यसका लागि मन्त्री स्तरीय निर्णय हुँदै क्याविनेटको निर्णय पनि आवश्यक पर्छ।
प्रतिक्रिया दिनुहोस !
