नायिका केकी अधिकारीकाे यस्तो रुप ! (भिडियोसहित)
काठमाडौं : नायिका केकी अधिकारी नयाँ रुपमा सार्वजनिक भएकी छिन्। गायक अनिश पाण्डेको मनसँग मन बोलको गीतको भिडियोमा नायिका केकी अधिकारी नयाँ रुपमा प्रस्तुत भएकी हुन्।
गायक पाण्डेले केकीले फरक रुपमा अभिनय गरेको म्युजिक भिडियो बेलायतमा एक कार्यक्रम गरेर सार्वजनिक गरेका हुन्। भिडियोमा केकीलाई अभिनयमा नरेनले साथ दिएका छन्। भिडियोमा प्रेमको विषयलाई समेटिएको छ।
राजधानीको पशुपतिनाथ क्षेत्रसँगै बेलायतका विभिन्न स्थानमा छायांकन भएको भिडियोमा केकी वृद्धाको भूमिकामा समेत देखिएकी छिन्। समन अधिकारीले निर्देशनमा तयार भएको म्युजिक भिडियोको गीतमा शब्द र संगीत भने अर्जुन पोख्रेलका छन्।
भिडियोमा केकी समाजसेवी र आध्यात्मिक अवतारमा समेत देखिएकी छिन्। दीपेन्द्र थपलिया र कुशल श्रेष्ठको छायांकनमा तयार भएको भिडियोलाई निशान घिमिरले सम्पादन गरेका हुन्।
प्रतिक्रिया दिनुहोस !
