यति बेला उनीलाई... गीतको म्युजिक भिडियो सार्वजनिक
काठमाडौं : गायक नारायण धितालले जीवन संगीनिसँगको विछोडमा श्रीमानको पीडा अभिव्यक्त गर्ने मर्मस्पर्शी गीतको म्युजिक भिडियो सार्वजनिक गरेका छन्।
‘यति बेला उनीलाई’ बोलको गीत पछिल्ला दिनमा युट्युबमा चर्चित छ। क्यान्सरले जीवन संगीनी गुमाउँदा श्रीमानको एक्लो जीवनका संघर्षको कथा गीतमा समावेश गरिएको छ।
बेल्जियममा छायांकन भएको म्युजिक भिडियोमा उनले स्वयम् अभिनय गरेका छन्। बालकलाकारका रुपमा उनका छोरा शिवम धितालको अभिनय रहेको छ।
भिडियोमा शान्ति भट्ट र सुदर्शन घिमिरेको पनि अभिनय रहेको छ। थकित यात्रीको शब्द, गायक धितालकै संगीत र महाराज थापाको संगीत संयोजन रहेको गीतको भिडियो निर्देशन दीपेश रेग्मीले गरेका हुन्।
प्रतिक्रिया दिनुहोस !
