ज्योतिलाई दर्शकको ओइरो

विराटनगरः लोकगायिका ज्योति मगर बिहीबार मोरङको पथरीमा थिइन् । सुनाखरी युवा क्लबले आयोजना गरेको पथरी महोत्सवमा उनलाई निम्त्याइएको थियो । ज्योतिको सांगीतिक प्रस्तुति हेर्न दर्शकको ओइरो लागेको थियो । खैरो रङको टल्कने वान पिसमा स्टेजमा देखा परेकी ज्योतिले डेढ घन्टासम्म लगातार पथरीका दर्शकलाई नचाइन् ।

‘ओई ज्योति ओई ज्योति देऊन एक चोटी', ‘उही मूलाको सिन्की', ‘जिम्बल बाउकी छोरी'सहित उनले आठवटा गीत प्रस्तुत गरेकी थिइन । सुरुमा स्टेजमा कालो ‘विन्ड चिटर' लगाएर आएकी ज्योति स्टेजमा उक्लिएपछि आफ्ना प्रस्तुतिलाई उनले रोमाञ्चक बनाइन् । नृत्य गर्दै गीत गाउने क्रममा उनले लगाएको छोटो वानपिसका कारण भित्री वस्त्रसमेत देखिएकाले कतिपयले उनको प्रस्तुतिलाई उत्तेजक भने । ‘पूर्वका सोल्टासोल्टीलाई मनोरञ्जन दिन म आइरहनेछु', प्रस्तुतिका क्रममा ज्योतिले भनिन् ।