कपिल शर्मालाई सलमानको यस्तो सुझाव
एजेन्सी : बलिउड अभिनेता सलमान खान र टिभी सोका स्टार कपिल शर्माको मित्रता धेरै घनिष्ठ मानिन्छ । कपिल शर्माले कलाकार सुनील ग्रोबरसँग झगडा गरेको कुरामा सलमानले कपिललाई आफ्नो स्टारडमलाई काबुमा राख्न सुझाव दिएका छन् ।
कपिलले गलत व्यवहार गरेको भन्दै उनको सो का सदस्यले एकाएक सो छाड्ने खबर बाहिर आइरहेको छ । हालै एक अन्तर्वातामा अभिनेता सलमान खानले कपिललाई आफ्नो स्टारडमलाई काबुमा राख्न आग्रह गरेका छन् ।
अन्तर्वातामा कपिल शर्माको पछिल्लो व्यवहार बारे सोधिएको प्रश्नको जवाफ दिँदै सलमानले भने,'आफ्नो स्टारडमलाई काबुमा राख्नु अति जरुरी छ । म पनि आफ्नो करिअरको त्यही विन्दुमा उभिएको छु ।
यस ठाउँमा मान्छेहरु मेरो हो मा हो मिलाउँने गर्छन, म सही गरिरहेको छु की गलत आफैँ छुट्याउँन सक्दिन । यस कारण म मेरा साथी र परिवारको कुरा सुन्ने र सुझाव मान्ने गर्दछु जसले मलाई हौसिएर हावामा उड्न दिदैँन । मलाई जमिनमै रहन दिन्छ ।' यी कुरा गर्दै उनले कपिललाई सफलताबाट ज्यादा नहौसिन संकेत गरेका छन् ।
सलमान अगाडि भन्छन् । मान्छेहरु सानो-सानो कुरामा पनि खुसी हुन्छन्, ज्यादा उत्साहले कहिले कही गलतबाटोमा धकेल्छ । आफ्ना असल मित्र तथा परिवारले मात्रै हामी गलतबाटोमा छौँ की सही भन्ने कुरा छुट्याउँन सक्छन् । त्यसैले उनीहरुको कुरा सुन्नुपर्छ।'
प्रतिक्रिया दिनुहोस !
