चोरी गरी भाग्न खोज्दा चिम्नीमै अड्किएपछि
एजेन्सी : चोरी गर्न गएका एक व्यक्ति एउटा भवनको चिम्नीमा अड्किएर दुई दिनसम्म त्यहीं बस्न बाध्य भए । घटना जिम्बाब्बेको हो । जिम्बाब्बेको स्थानीय अखबार 'दी क्रोनिकल' का अनुसार 'एड्रिया जुंगा' नाम गरेका ती व्यक्ति एक युथ सेन्टरको चिम्नीमा अड्किएर दुई दिनसम्म त्यहीँ फसिरहे ।
अखबारले दिएको जानकारी अनुसार ३३ बर्षीय जुगां माकोकोबा क्षेत्रका हुन । उनी त्यहाँका चोरको गिरोहका सदस्य हुन् । चोरको गिरोहले गत सोमबार राती भवनको दुई वटा चिम्नीबाट उक्त यूथ सेन्टरमा छिर्ने योजना बनाएका थिए ।
यी व्यक्ति एउटा चिम्नीबाट भित्र छिरेका थिए । भित्र छिरेर दुई कम्प्यूर, एक ल्यापटप र एक ज्याकेट चोरेर भाग्न खोजेका थिए । जुंगा भवनमा रहेको दोस्रो चिम्नीबाट निस्कने प्रयास गरेका थिए । भित्रैबाट बन्द भएकाले उनी चिम्नीको बीचमा अड्किए ।
अखबारले बताए अनुसार उनीसँगै आएका साथीलाई उनी अड्किएको थहा थियो । उनी चोरीका सामान लिएर अर्काे चिम्नीबाट भागे तर यस घटना बारे कसैलाई बताएनन् । सहयोगका लागि आग्रह गर्दै कराइरहेका जुंगालाई युथ सेन्टरका व्यक्तिले देखेका थिए । उनी निरन्तर बाहिर निस्कने प्रयास गरिरहेका थिए ।
पछि उनलाई प्रहरीले भर्याङको सहयताले त्यहाँबाट निकाले । जुंगालाई प्रहरीले नियन्त्रणमा लिएको छ । उनलाई गैरकानुनी रुपमा भवनमा छिरेको र चोरी गरेको दुवै अभियोगमा सजायँ हुने प्रहरी जनाएको छ ।
प्रतिक्रिया दिनुहोस !
