रियल मड्रिडको सानदार जित
काठमाडौं : स्पेनिस ला लिगा अन्तरगत आइतबार राती भएको खेलमा शीर्ष स्थानको रियल मड्रिडले उत्कृष्ट जित हासिल गरेको छ । रियलले एलाभेजमाथि ३-० को जित हात पार्यो ।
रियलका लागि खेलको ३१ औँ मिनेटमा करिम बेन्जिेमाले पहिलो गोल गरे । त्यसैगरी इज्कोले ८५ मिनेटमा र नाकोले ८८ मिनेटमा गोल गर्दै रियललाई सहज जित दिलाए । खेलमा एलाभेजको गोल गर्ने कुनैपनि प्रयास सफल हुन सकेन । जितसँगै रियल मड्रिड शीर्ष स्थानमा कायम छ । २८ खेल खेलेको रियलको ६८ अंक छ ।
ला लिगा अन्तरगतनै आइतबार राती भएका अन्य खेलमा भ्यालेन्सियाले डिपोर्टिभो ला कोरुना लाई ३-० ले पराजित गर्यो । सेभिल्ला र स्पोर्टिङ गिजोन बीचको खेल गोल रहित बराबरीमा टुङ्गियो ।
प्रतिक्रिया दिनुहोस !
