म्याराथनमा आर्मीका उद्धव कार्की प्रथम
मलंगवाः विश्व स्वास्थ्य दिवसको अवसरमा शुक्रवार नेपाल आरोग्य संगठन डुमरिया सर्लाहीले सदरमुकाम मलंगवामा आयोजना गरेको छ । म्यारथन दौड प्रतियोगितामा नेपाल आर्मीका उद्धव कार्की प्रथम भएका छन् । कार्कीले ४ किलोमिटरको दौड १८ मिनेटमा पुरा गरेका थिए ।
‘सबैका लागि स्वास्थ्य’ भन्ने मूल नाराका साथ म्यारथन दौड गरिएको संगठनका सल्लाहकार डा. राकेश कुमार सिंहले बताए । दौड मलंगवाको वरिपरी ४ किलोमिटरको रिंगरोडमा गरिएको थियो ।
प्रतियोगितामा नेपाल आर्मीकै चन्द्रसिंह विष्ठ द्वितीय र अर्जुन कार्की तृतीय भएको डा. सिंहले बताए । दौडमा नेपाल आर्मी, सशस्त्र प्रहरी गरी २ सय ५० जनाको सहभागिता रहेको थियो । शरिरलाई स्वास्थ्य राख्नका लागि योग र खेलकुद आवश्यक रहेकोले सर्वसधारणमा जनचेतना फैलाउने उदेश्यले म्यारथनको आयोजना गरिएको हो ।
प्रतिक्रिया दिनुहोस !
