नयाँ वर्षमा कतारमा 'जात्रा' प्रदर्शन हुने
काठमाडाैं: कतारमा नेपाली नयाँ वर्ष २०७४ को अवसर पारेर नेपाली कथानक चलचित्र 'जात्रा' प्रदर्शन हुने भएको छ।
आउँदो शुक्रबार अप्रिल १४ तारिख गान्ड मल स्थित एसियन टाउन सिनेमाको हल नम्बर ३ मा चलचित्र प्रर्दशन हुन लागेको हो । चलचित्रको टिकट दर भने ३५, ५० र ७५ रहेको छ ।
नेपालमा यसअघि सफल प्रर्दशन भएको 'जात्रा' पैसाको विषयवस्तु वरपर रहेर बनेको हास्य तथा भावनात्मक कथामा आधारित चलचित्र हो। चलचित्रमा विपिन कार्की, रविन्द्र सिंह बानिया, रबिन्द्र झा, वर्षा राउत लगायतका कलाकारहरुको भूमिका रहेको छ।
चलचित्रलाई प्रदिप भट्टराईले निर्देशन गरेका हुन्। चलचित्रलाई कस्तो राम्रो इभेन्ट्सले कतारमा ल्याउन लागेको हो।
प्रतिक्रिया दिनुहोस !
