अनुष्का र विराट बारेको हल्ला गलत सावित
एजेन्सी : भारतीय क्रिकेट टोलीका कप्तान विराट कोहली र अभिनेत्री अनुष्का शर्माको अफेयर बेला-बेलामा हट विषयका रुपमा चर्चामा आउने गर्छ । सन २०१६ को एकदीवसीय विश्वकप क्रिकेटमा भातरको हारसँग विराट कोहली र अनुष्का शर्माको सम्बन्धलाई जोडेर पनि खुबै चर्चा र आलोचना भयो । अहिले पनि चोटले थलिएका कोहलीलाई भेट्न अनुष्का शर्मा नगएको भनी विभिन्न खबरहरु आइरहेका थिए । यसै कारण उनीहरुको सम्बन्धमा दरार उत्पन्न भएको हुनसक्ने चर्चा समेत चलेको थियो ।
यसै बीच हालसालै विराट र अनुष्का एक साथ रहेको तस्बिर सामाजिक सञ्जालमा भाइरल भइरहेको छ । तस्बिरमा सेतो कुर्ता र कालो चस्मा लगाएकी अनुष्का अघि-अघि हिडिरहेका छन् भने विराट उनलाई पिछा गरिरहेका छन् ।
अष्ट्रेलियासँगको टेस्ट क्रिकेटमा घाइते भएका विराट फिजियो थेरापी गराइरहेका छन् । यसै कारण हालसम्म विराट कोहली आइपीएलमा पनि खेल्न सकेका छैनन् । अनुष्का र विराट फिजियो थेपरी सेन्टरबाट बाहिर निस्किरहेको देखिन्छ। यो फेटोले विराट र अनुष्काको सम्बन्धमा दरार आएको हुनसक्ने भन्दै फैलाइएको अफवाह गलत सावित भएको भनी चर्चा गरिएको छ ।
प्रतिक्रिया दिनुहोस !
