एजेन्सी : बलिउडका चर्चित अभिनेता सलमान खान भारतमा मात्रै नभएर वलिउड फिल्मको बजार रहेका हरेक ठाउँमा लोकप्रिय छन् । यसका साथै विभिन्न व्यक्तिसँग दुश्मनी गर्नमा पनि उनी अगाडि रहेको बताइन्छ । उनको प्रतिकूल हुनेगरी कसैले कुनै कदम चालेको खण्डमा सलमान कडा रुपमा प्रस्तुत हुने गर्छन् ।
हालै सलमानले आफ्ना तीन बडिगार्डलाई जागिरबाट निकालिदिएको खबर बाहिर आएको छ । एक भारतीय अनलाइनले प्रकाशित गरेको खबर अनुसार सलमानका ती बडिगार्डले उनका गोप्य कुरा लीक गरेको आरोपमा जागिरबाट निकालिएको हो ।
सलमानका गोप्य कुराबारे मिडियामा खबर आएका थिए । ती खबर बडिगार्डले लीक गरेको पाइएपछि सलमानले उनीहरुलाई जागिरबाट निकालेको बताइएको छ । मिडियामा आएको खबर यो थियो की सलमान खानको ‘द दबंग टूर’ कार्यक्रममा सलमानकी प्रेमिका युलियाले गीत गाउँन चाहेकी थिइन । सलमानले त्यो कुरामा प्रतिवाद गरी गीत गाउँन दिएनन्, यही कुराले दुईबीच ठूलै विवाद भयो । जसका कारण युलियाले कार्यक्रम छाडेर निस्किेकी थिइन ।
खबर अनुसार यही घटना लीक गरिदिएको आरोपमा सलमानले आफ्ना तीन बडिगार्डलाई जागिरबाट निकालि दिएका हुन् । यसभन्दा पहिले सलमानले १४ बर्ष पुराना आफ्ना मेनेजरलाई पनि कामबाट निकालेका थिए ।
प्रतिक्रिया दिनुहोस !
