काठमाडौँ : मोडल एलिसा राईले अभिनय गरेको अर्को भिडियो सार्वजनिक भएको छ। ‘लुट २’ को ठमेल बजार बोलको गीतबाट चर्चाको शिखरमा पुगेकी एलिसालाई भिडियोमा पुष्पल खड्काले साथ दिएका छन्।
नृपेश उप्रेतीका शब्द रहेको गीतमा शिव भुषाल र चर्चित गायिका अञ्जु पन्तको सुमधुर स्वरमा सुन्न सकिन्छ। गीतको भिडियोलाई रंग पत्रकार सुब्रत आचार्यले निर्देशन गरेका हुन्।
छेडखानी गर्ने रोमान्टिक गीतले युवा पुस्ताको प्रेम र रोमान्सलाई नजिकबाट देखाउन खोजेको निर्देशकको भनाइ छ।
अर्जुन तिवारीले छायांकनमा तयार भएको गीतमा अर्जुन पोखरेलको संगीत समेटिएको छ। सुनिल क्षेत्रीको कोरियोग्राफी रहेको भिडियोको सम्पादन भरत रेग्मीले गरेका हुन्।
प्रतिक्रिया दिनुहोस !
