न्यौपानेको ‘ती रातहरू’ को भिडियो सार्वजनिक
काठमाडौंः गायक अंकित न्यौपानेको नयाँ आधुनिक गीत ‘ती रातहरू’को भिडियो सार्वजनिक भएको छ। गायिका मिलन अमात्यसँग युगल गायन रहेको उक्त गीत मधुरिपुले लेखेका हुन्।
सामाजिक सञ्जालमार्फत चर्चा कमाएका गजलकार मधुरिपुका शब्दमा गायक न्यौपानेकै संगीत रहेको छ। ‘मन्दिरमा बस्ने देउता’, ‘कति माया गर्छ उसले’, ‘भूल भयो’ जस्ता चर्चित गीतहरूमार्फत श्रोताहरूको मन जित्न सफल गायक न्यौपानेले यो नयाँ गीत सम्पूर्ण माया गर्ने मनहरूमा समर्पित रहेको बताएका छन्। उनले भनेका छन्,‘अत्यन्त मन छुने शब्द भएकाले म आफैले संगीत दिएको हुँ।’
गीतको भिडियोमा नायक आकाश श्रेष्ठ र नायिका जेबिका कार्कीको अभिनय छ। भिडियोको निर्देशन युवराज वाइबाले गरेका हुन्। उत्सव दाहालले छायांकन गरेको उक्त गीतको सम्पादन भने निशान घिमिरेले गरेका हुन्।
भिडियाे हेर्नुस्:
प्रतिक्रिया दिनुहोस !
