एजेन्सी : फ्रान्समा राष्ट्रपति चयन लागि दोस्रो चरणको निर्वाचन चलिरहेको छ । गत अप्रिल २३ मा भएको पहिलो चरणको निर्वाचनमा सबैभन्दा बढी मत ल्याउने दुई उम्मेदवार एमानुअल म्याक्रोन र मारिन ली पेन बीच प्रतिस्पर्धा हुँदैछ । म्याक्रोन लिबरल पार्टीका तर्फबाट उम्मेदार बन्नु भएको हो भने पेन नेशनल फ्रन्ट पार्टीका तर्फबाट उम्मेदवार बन्नु भएको हो । राष्ट्रपति चयन हुनका लागि ५० प्रतिशत भन्दा बढी मत ल्याउनु पर्ने व्यवपस्था छ।
दुई मध्ये जुन उम्मेदवारले जितेपनि फ्रान्सको राष्ट्रपतिका सवालमा नयाँ इतिहास रचिने बताइएको छ । म्याक्रोनले जितेको खण्डमा उनी फ्रान्सका हालसम्मकै कान्छा राष्ट्रपति बन्नु हुनेछ । उहाँको उमेर ३९ बर्ष रहेको छ । त्यसैगरी पेनले जितेमा फ्रान्सको पहिलो महिला राष्ट्रपतिको इतिहास रचिने छ । हाससम्म फ्रान्समा राष्ट्रपति पदमा महिला चयन हुन सकेका छैनन्।
जनताबाट प्रत्यक्ष निर्वाचित राष्ट्रपतिको व्यवस्था रहेको फ्रान्समा राष्ट्रपतिलाई कार्यकारीसहितको अधिकार प्राप्त छ । राष्ट्रपति प्रत्यक्ष निर्वाचित हुने व्यवस्था भएपनि संसदप्रति उत्तरदायी हुनुपर्ने व्यवस्था फ्रान्सको संविधानमा छ।
प्रतिक्रिया दिनुहोस !
