धर्मका नाममा आतंक बन्द गरौं : ट्रम्प
रियाद : संयुक्त राज्य अमेरिकाका राष्ट्रपति डोनल्ड ट्रम्पले साउदी अरबको रियादमा आइतबार धर्मको नाममा आतंकवाद बन्द गर्न आह्वान गरेका छन् । ४० भन्दा बढी इस्लाम धर्मावलम्बी मुलुकका नेताहरूलाई सम्बोधन गर्दै ट्रम्पले यस्तो आह्वान गरेका हुन् ।
राष्ट्रपतिका रूपमा पहिलो विदेश भ्रमणका रूपमा साउदी अरब आइपुगेका ट्रम्पले मुस्लिमहरूको पवित्र धार्मिकस्थलमा आतंकवाद नष्ट गर्न आह्वान गरे । उनले आफ्नो पवित्र राज्यमा आतंकवादलाई प्र श्रय नदिन पनि आग्रह गरे । अमेरिकी राष्ट्रपति ट्रम्पले भने, ‘आतंकवादबाट विश्वका देश पीडित छन् । केही देशले त आतंकवादलाई प्र श्रय पनि दिएका छन् ।
यसबाट मध्यपूर्वदेखि भारत र रूस जस्ता देश पनि प्रभावित हुन थालेका छन् । धर्मका नाममा हुने आतंकवादको खेल अब बन्द गर्नैपर्छ ।' यस सम्मेलनमा विश्वका मुस्लिम बहुल अधिकांश देश सहभागी छन् । अमेरिकाको लक्ष्य शान्ति, सुरक्षा र समृद्धि भएको र मित्रता एवं प्रेमको सन्देश लिएर आफू साउदी आएको उनले बताए । उनले कसैलाई केही गर्न बाध्य पार्न आएको नभई समझदारी र भ्रातृत्व सम्बन्ध विकास गर्न आएको उनले दाबी गरे ।' उनले भने, ‘शक्तिशाली इस्लामिक मुलुकहरू इस्लामिक अतिवादसँग लड्न अगाडि आउनुपर्छ ।'
अमेरिकाले संसारमा शान्ति र सुरक्षा चाहेका बताए । मुस्लिम युवा कुनै भयविना समृद्धिका लागि बढ्न सकून् भन्ने आफ्नो चाहना भएको उनले बताए । भाषणका क्रममा आफू साउदीको आतिथ्यबाट निकै प्रभावित भएको पनि बताए । उनले दुवै देशबीच सम्पन्न सम्झौताबाट रोजगार सिर्जना र आतंकवादसँग लड्न सफलता मिल्ने बताए ।
मध्यपूर्व सांस्कृतक रूपले निकै समृद्ध रहेको र प्राकृतिक संसाधनले भरपूर रहेको पनि दोहोर्याए । आतंकवादकै कारण यस्ता चिजबाट फाइदा लिन नसकेको ट्रम्पको भनाइ थियो । आतंकवादलाई आर्थिक सहयोग तत्काल बन्द गर्न पनि उनले सम्मेलनमा माग गरे । यस क्षेत्रमा आतंकवादसँग लड्न अमेरिकाले सहयोग अपेक्षा गरेको उनले स्पष्ट पारे । उनले इरानको