अमेरिकी पपगायिका अरिना ग्रान्डले गत सोमबार राति भएको आत्मघाती आक्रमणको निन्दा गरेकी छन् । बेलायतको म्यानचेस्टरमा भएको आक्रमणमा २२ जनाले ज्यान गुमाए भने ५९ जना घाइते भएका थिए ।
आक्रमणका कारण आफ्ना फ्यान गुमाउनुपर्दा निकै दुःख लागेको उल्लेख गर्दै २३ वर्षीया अरिनाले आफ्नो युरोप भ्रमणसमेत रद्द गरेकी छन् । अरिनाको अक्टोबर २ मा लन्डनमा कार्यक्रम तय गरिएको थियो ।
लन्डनपछि बेल्जियम, पोल्यान्ड, जर्मनी, स्विट्जरल्यान्ड, फ्रान्स, स्पेन, इटाली, मेक्सिको, ब्राजिल, थाइल्यान्ड, अस्ट्रेलिया हुँदै सेप्टेम्बर महिनामा हङकङमा टुर समापन गर्ने तालिका थियो । अरिनाको कार्यक्रमलाई लक्षित गरी आक्रमणकारीले हमला गरेका थिए । कार्यक्रममा उनका १० हजारभन्दा बढी फ्यान उपस्थित थिए । अरिना भने सकुशल रहन सफल भइन् । उक्त घटनालाई विश्वभरका सेलिब्रेटीहरूले खेद प्रकट गरेका छन् । –एजेन्सी
प्रतिक्रिया दिनुहोस !
