चितवन : सर्वाधिक चर्चा र चासोको रुपमा चितवनको चितवनकाे भतरपुर महानगरपालिकाको मतगणनाको अन्तिम चरणमा आइपुग्दा पनि नेकपा एमालेका उम्मेदवार देवी ज्ञवालीले अग्रता लिइरहनुभएको छ।
आइतबार बिहान सकिएको गणना अनुसार रेणु दाहालभन्दा देवी ज्ञवाली ११४५ मतले अगाडि हुनुहुन्छ । अब ९ हजार ७ सय २३ मत गन्न बाँकी छ । शनिबार मध्यरातीसम्मको गणना अनुसार माओवादीका रेणु दाहालको भन्दा एमालेका देवी ज्ञवालीले १२ सय ३७ मतले अग्रता लिनु भएको थियाे ।
निर्वाचन आयोगले दिएको पछिल्लो मतपरिणाम अनुसार एमालेका मेयर उम्मेदवार देवी ज्ञवालीले ३९ हजार ७ सय ६५ मत ल्याउनु भएको छ भने माओवादीकी मेयर उम्मेदवार दाहालले ३८ हजार ६ सय ५ मत प्राप्त गर्नु भएको छ।
उपमेयरमा कांग्रेसकी उम्मेदवार पार्वती शाहले ४१ हजार ५ सय २५ मत ल्याउनु भएको छ भने एमालेकी उपमेयर उम्मेदवार दिव्या शर्माले ३५ हजार ६ सय २० मत ल्याउनु भएको छ। उपमेयरमा ५ हजार ९ सय ५ मतान्तर रहेको छ ।
अब चितवनको भरपुर महानगरपालिकाका १९, २०, २१ वडाको मत गन्न बाँकी रहेको छ।
प्रतिक्रिया दिनुहोस !
