काठमाडौं महानगर प्रमुखमा एमालेका शाक्य र उपप्रमुखमा कांग्रेसकी खड्गी विजयी

काठमाडौँ  : काठमाडौँ महानगरपालिकाको प्रमुखमा नेकपा एमाले विजयी भएको छ । एमालेका उम्मेदवार विद्यासुन्दर शाक्यले भारी मतले विजय हाशिल गर्नुभएको हो भने उपमेयरमा भने नेपाली कांग्रेसकी हरिप्रभा खड्गी विजयी हुनुभएको छ ।

शाक्यले आफ्ना प्रतिष्पर्धी नेपाली कांग्रेसका उम्मेदवार राजुराज जोशीभन्दा २० हजार ७ सय ६३ बढी मत प्राप्त गरी काठमाडौं महानगरपालिकाको मेयर पदमा निर्वाचित हुनुभएको हो । आइतबार बिहान सकिएको मत गणनाको अन्तिम परिणाम अनुसार शाक्यले ६८ हजार ९ सय ६१ मत प्राप्त गरी विजयी हुनुभएको हो । उहाँको निकतम् प्रतिष्पर्धी नेपाली काँग्रेसका राजुराज जोशीले ४८ हजार एक सय ९८ मत प्राप्त गर्नुभयो ।

उपमेयरमा कांग्रेसकी हरिप्रभा खड्गीले २४ हजार ९८ मतान्तरले विजयी हुनुभयो । उहाँले ५८ हजार ९ सय ५२ मत ल्याउनुभयो भने उहाँका निकतम् प्रतिष्पर्धी राप्रपाका राजाराम श्रेष्ठले ३४ हजार ८ सय ५४ मत ल्याउनुभयो ।

काठमाडौं महानगर विवेकशील नेपालीकी रञ्जु दर्शनाले २३ हजार ४ सय ३९ म ल्याएर तेस्रो स्थानमा रहनुभयो भने साझा पार्टीका किशोर थापा १८ हजार ४सय ९६ मत ल्याएर चौथो स्थानमा रहनुभयो । तर तेस्रो दल नेकपा माओवादी केन्द्र पाँचौं स्थानमा खुम्चन वाध्य भयो ।

एक लाख ९७ हजार २ सय २७ मत खसे पनि ६ हजार १ सय ८३ मत बदर भएको मुख्य निर्वाचन अधिकृतको कार्यालयले जानकारी दियो ।

को हुन् विद्यासुन्दर ?

नेकपा एमाले काठमाडौंका जिल्ला सचिव विद्यासुन्दर शाक्य काठमाठौँ महानगरपालिकाको मेयर निर्वाचित हुनुभएको छ । अहिलेसम्म कुनै पनि निर्वाचनमा हार बोहोर्नुनपरेका शाक्य मेयरमा निर्वाचित भएसँगै आगामी पाँचवर्ष भित्र काठमाडौँ महानगरपालिका सम्हाल्न जनप्रतिनिधिबाट अनुमोदित भइसक्नुभएको छ । काठमाडौं महानगर देशकै सबैभन्दा पुरानो र शक्तिशाली महानगर मानिन्छ।
विं।सं। २०२० जेठ ९ गते काठमाडौँको लगनटोलमा जन्मिनुभएका शाक्य अब आफ्नो टोलबाट करिब झण्डै डेढ किलोमिटर टाढाको दूरीमा रहेको बागदरवारमा अवस्थित काठमाडौं महानगरको कुर्सी पाँचवर्षका लागि सम्हाल्नु भएको छ ।

विद्यालयतहदेखि नै राजनीतिमा संलग्न सरल, सभ्य र सालिन व्यक्तित्वका धनी राजनीति प्रतिष्ठा र समाज परिवर्तनका लागि केही गर्ने अठोट लिनुभएको थियो । निरन्तरको योगदान र निष्ठाको प्रतिफलका कारण आफू सफल भएको उहाँको भनाई छ ।
त्रिपुरेश्वरस्थित विश्वनिकेतन माध्यामिक विद्यालयबाट विद्यालयतहको अध्ययन पूरा गर्नुभएका शाक्यले शंकरदेव क्याम्पसबाट व्यवस्थापनमा स्नातकसम्मको अध्ययन पूरा गर्नुभएको थियो ।

नेवारी समुदायमा जन्मि(हुर्किनु भएका शाक्य काठमाडौंको भित्रि सहरमा निकै लोकप्रिय जनप्रतिनिधीका रुपमा छुट्टै पहिचालन बनाउन सफल हुनुभएको छ । कलिलो उमेरदेखि नै राजनीतिमा सक्रिय हुनुभएका शाक्य २०३७ सालको जनमत संग्रहका बेलादेखि नै राजनीतिमा सक्रिय बन्नुभएको थियो । १६ वर्षको कलिलो जवानीमै राजनीतिमा लाग्नुभएका शाक्यले ५४ वर्षको उमेर पार गर्दासम्म पनि राजनीतिमै दत्तचित्त भएर लाग्नुभएको छ ।

२०४६ सालको प्रजातन्त्र प्राप्तिको आन्दोलनमा पनि उहाँले अग्रमोर्चामै उभिए सक्रिय भूमिका खेल्नुभयो । प्रजातन्त्रप्राप्तिको आन्दोलनका क्रममा पटक(पटक प्रहरीको निसानमा समेत पर्नुभएको थियो । शाक्य प्रजातन्त्र प्राप्तिपछि स्थापना भएको नेकपा ९एमाले० को तत्कालिन युवा संगठन प्रजातान्त्रिक राष्ट्रिय युवा संगठनको काठमाडौँको संस्थापक कोषाध्यक्षको जिम्मेवारी सम्हाल्नु भयो । शाक्यले त्यसैबेला पनि आफ्नो जिम्मेवारीलाई कुशल ढंगले पूरा गर्नुभएको थियो । काठमाडौँका युवाहरुलाई संगठित गर्ने, संगठनलाई कुशल ढंगले सञ्चालन गर्ने जस्ता कार्यमा उहाँको भूमिका उल्यख्य रहेको थियो ।

कुशल नेतृत्व देखेर पार्टीले २०४९ सालमा भएको स्थानीय निकाय निर्वाचनमा काठमाडौँ वडा नम्बर २१ को अध्यक्षका रुपमा अघि सार्‍यो । त्यतिबेला पनि उहाँले भारी मतले विजय हाशिल गर्नुभयो । उहाँको सक्रियताकै कारण २०५४ सालमा दोस्रो कार्यकालमा पनि वडाध्यक्ष निर्वाचित हुनभयो ।
शाक्य करिब दुई दशकदेखि नेकपा ९एमाले०को जिल्ला कमिटीमा विभिन्न जिम्मेवारी सम्हाल्दै आउनु भएको छ । मृदुभाषी र कुशल संगठकका रुपमा आफ्नो छुट्टै परिचय बनाउन सफल हुनुभएको छ । शाक्यका पिता हेरारत्न शाक्य र माता मंगलशोभा शाक्यको निधन भैसकेको छ । हाल लगनटोलमै श्रीमती सुचिता शाक्यसहित परिवारसँग बस्दै आउनु भएका शाक्यले भारत, चीन, थाइल्याण्ड, भुटान, उत्तर कोरिया, युएईलगायतका देशको भ्रमण गरिसक्नु भएको छ ।

उहाँले सपना बाँड्ने भन्दा पनि महानगरवासीको सपना पूरा गर्ने ध्येयले काम गर्ने सोच बनाउनुभएको छ । ‘अब भनिने महानगर होइन देखिने महानगर बनाउने छुु उहाँले भन्नुभयो ।