काठमाडौं : साझा पार्टीले काठमाडौंका मतदातालाई धन्यवाद दिदैँ काठमाडौं महानगरवासीले भरपर्दो विकल्पको रुपमा लिएको विश्वास व्यक्त गरेको छ ।पार्टी निर्माण भएको छ हप्ता मात्रै भएको अवस्थामा मतदाताले विश्वास गरेकोमा आगामी बाटो सुन्दर छ भन्ने साझा पार्टीले विश्वास व्यक्त गरेको छ ।
साझा पार्टीका प्रवक्ता डा सुर्यराज आचार्यद्वारा जारी विज्ञप्तिमा महानगरपालिकामा मेयर र उपमेयर पदका लागि उमेदवारी दिएका किशोर थापा र निरूपमा यादवलाई विश्वास गर्ने मतदाताहरूलाई हृदयदेखि नै धन्यवाद दिन दिएको हो ।
‘पार्टी निर्माणको प्रक्रिया सुरु गरेको ६ हप्तामैं र कहीँ कतै सङ्गठन निर्माण नै नभई उमेदवारी दिँदा पनि कडा प्रतिश्पर्धामाझ दुवै उमेदवार क्रमशस् तेस्रो र चौथो स्थानमा आउनु भनेको मतदाताहरूले साझा पार्टीलाई भरपर्दो विकल्पका रूपमा लिएको तथ्यको स्पष्ट सङ्केत हो' विज्ञप्तिमा भनिएको छ ।
साझा पार्टीले काठमाडौं महानगरपालिकाको मेयर र उपमेयरका रूपमा निर्वाचित हुनुभएका नेकपा एमालेका विद्याशुन्दर शाक्य तथा नेपाली कांग्रसकी हरीप्रभा खड्गीलाई हामी बधाईसमेत दिएको छ । ‘तपाईँहरूको नेतृत्वमा देशको राजधानी सहरको सपना पुरा होस् भन्ने हाम्रो कामना छ। यस अभियानमा तपाईँहरूलाई हाम्रो तर्फबाट हुनसक्ने सबै प्रकारका सहयोग गर्न हामी तयार छौँ।' विज्ञप्तिमा भनिएको छ ।
यो देश बनाएरै छोड्ने हाम्रो अठोटमा भविष्यमा पनि सबैको साथ र समर्थन रहने साझा पार्टीले विश्वास लिएको छ ।
प्रतिक्रिया दिनुहोस !
