बाबरी मस्जिद विवाद, आडवाणी, जोशीसहित १२ लाई आरोप तय

बाबरी मस्जिद विवाद,  आडवाणी, जोशीसहित १२ लाई आरोप तय

लखनउ : भारतीय जनता पार्टी (भाजपा)का वरिष्ठ नेता लालकृष्ण आडवाणी, पूर्व केन्द्रीय शिक्षामन्त्री मुरलीमनोहर जोशी र उमा भारतीसहित १२ जनामाथि मंगलबार सीबीआईको विशेष अदालतले भारतको अयोध्यामा बाबरी मस्जिद भत्काएको आरोप लगाएको छ । ती १२ जनामाथि अब अपराध गरेको आरोपमा मुद्दा चलाइनेछ ।

यसअघि उक्त अदालतले कैयौं आरोपीलाई धरौटीमा छोडेको थियो । यद्यपि सबै आरोपीले आफूमाथि लगाइएको आरोप अस्वीकार गरेका छन् । उनीहरूमाथि बाबरी मस्जिद भत्काएको, दुई धर्मका अनुयायीबीच शत्रुता उत्पन्न गराएको, धार्मिक भावना भड्काएको, राष्ट्रिय एकता खलबल्याएको आरोप लगाइएको छ । केही समयअघि भारतीय सर्वोच्च अदालतले बाबरी मस्जिद भत्काएको आरोपमा आडवाणी, जोशीविरुद्ध चलिरहेको मुद्दा लखनउस्थित विशेष सीबीआई अदालतमा चलाइने घोषणा गरेको थियो ।

यसैबीच उमा भारतीले यसमा कुनै षड्यन्त्र नगरेको बताउँदै खुल्लमखुला यस्तो काम गरिएको स्पष्ट पारिन् । अदालतको सम्मान गर्ने भएकाले आफूले अदालतको निर्णय मान्ने बताइन् । लाखौं मानिसले मस्जिद भत्काएको बताउँदै यसमा गोप्य षड्यन्त्रको कुरा आउनु अचम्म भएको उनको कथन छ ।

भारतीय सर्वोच्च अदालतले गत महिना सन् १९९२ को बाबरी मस्जिद भत्काइएको मुद्दामा आडवाणी, जोशी, भारतीलगायतका व्यक्तिमाथि मस्जिद भत्काउन षड्यन्त्र गरेको आरोपमा मुद्दा चलाइने बताएको थियो । सर्वोच्चले उक्त मुद्दा रायबरेलीबाट लखनउ सार्न आदेश दिएको थियो । यसै विषयमा अर्को मुद्दा लखनउस्थित विशेष सीबीआई अदालतमा चलिरहेको छ ।

आडवाणी, मुरली जोशी, भारती, विनय कटियार, साध्वी ऋतम्भरा, विष्णु हरि डालमिया, रामविलास वेदान्ती, महन्त नृत्य गोपाल दास, चम्पत राय वंसल र बैकुण्ठलाल शर्मा प्रेममाथि बाबरी मस्जिद भत्काएको आरोप छ ।

 


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.