युवालाई विदेश नजान ऋचाको आग्रह
काठमाडौं : नायिका ऋचा शर्मा नयाँ म्युजिक भिडियो लिएर आउनु भएको छ । सामाजिक सन्देशमूलक म्युजिक भिडियो ‘आकाशैको नौलाखे तारा' बिहीबार रिलिज गरिएको हो । हस्तनिर्मित गलैंचाका विश्वप्रसिद्ध डिजाइनर जोन केथले पत्रकार सम्मेलनमार्फत भिडियो सार्वजनिक गर्नुभएको हो ।
छिरिङरितार शेर्पा निर्देशित भिडियोमा नायिका ऋचा, टीकाभक्त जिरेल र गलैंचा उत्पादनमा सक्रिय कामदारहरूले अभिनय गरेका छन् । निर्देशक शेर्पाले समाजका वास्तविक पात्रको कथालाई पर्दामा उतार्न पाउँदा खुसी लागेको बताउनुभयो ।
‘मेरो रुचि वास्ताविक पात्रको चित्रण नै हो', उहाँले भन्नुभयो, ‘यो म्युजिक भिडियोले ती पात्रको पीडा र मनोदशालाई समेटेको छ । ' उहाँले फिल्मजस्तै संगीतबाट पनि कथा भन्न सकिने बताउनुभयो ।
अभिनेत्री शर्माले यथार्थ पात्रको जीवनमा अभिनय गर्न पाउनु खुसीको कुरा भएको बताउनुभयो । ‘संगीत भए पनि यसले आम नेपालीको वास्तविकता चित्रण गरेको छ' शर्माले भन्नुभयो । रिकेश गुरुङको संगीत संयोजन रहेको गीतका निर्मातामध्येका एक जोन केथले नेपाली वास्तविकतालाई चित्रण गरेर सन्देश प्रवाह गर्नु भिडियो निर्माणको उद्देश्य रहेको बताउनुभयो ।
प्रतिक्रिया दिनुहोस !
