चितवनमा पञ्चायत
चितवन : पञ्चायतकालको सामाजिक विषयवस्तुमा निर्माण गरिएको चलचित्र 'पञ्चायत' को चितवनमा प्रिमियर गरिएको छ । चलचित्रको प्रिमियरमा सरोज खनाल, शोभित बस्नेत, विमल पौडेल, लय संग्रौला, निशा अधिकारी, गजित बस्नेतलगायत सहभागी हुनुहुन्थ्यो ।
सामाजिक विषयवस्तुमा बनेको चलचित्र राम्रो भएको दर्शकको प्रतिक्रिया छ । चितवनका पत्रकार रवि अधिकारीले निर्माण गरेको चलचित्र 'पञ्चायत' फरक विषयवस्तुमा बनेको दर्शकको भनाइ छ । चितवन ब्युटी पार्लर युनिटको सहभागिता रहेको प्रिमियर सो पछि युनिटीका अध्यक्ष सिर्जना सोतीले चलचित्रले मन छोएको बताउनुभयो । कलाकार पुष्प आचार्यका अनुसार चलचित्रमा नेपालीपन झल्किएको छ ।
नायिका निशा अधिकारीले 'पञ्चायत' सुन्दर बनेको भन्दै प्रशंसा गर्नुभयो । निर्देशक विमल पौडेलले अर्को वर्ष ओस्कारमा पञ्चायत जाने दाबी गर्नुभयो । प्रिमियरमा उपस्थितिहरूले चलचित्र राम्रो बनेको प्रतिक्रिया दिए । चलचित्रमा सरोज खनाल र नीत ढुंगानाको मुख्य अभिनय छ । चलचित्र फागुन १८ गतेदेखि देशभर प्रदर्शन हुने बताइएको छ ।
प्रतिक्रिया दिनुहोस !
