केटीएमका नयाँ बाइक बजारमा
काठमाडौं : केटीएम बाइकको आधिकारिक बिक्रेता हंसराज हुलासचन्दले केटीएम बाइकको नयाँ मोडल नेपालमा ल्याएको छ । नयाँ मोडलमा आरसी ३९०, आरसी २००, ३९० डुक, २५० डुक र २०० डुक रहेको कम्पनीले जनाएको छ । युरोपको नम्बर १ मोटरसाइकल ब्रान्ड केटीएमले मोटर स्पोर्ट्सको दुनियामा दुई सय ७० भन्दा बढी प्रतियोगितामा जित हासिल गरी नयाँ किर्तिमान कायम गरेको छ । साथै यो मोटरसाइकल सन् २०१२ मा पहिलो पटक नेपाल भित्रिएपश्चात सबैभन्दा धेरै बिक्री हुने प्रिमियम नेकेड मोटरसाइकलको रूपमा स्थापना भइसकेको कम्पनीले जनाएको छ ।
केटीएमको अरु मोटरसाइकलजस्तै आरसी सिरिजका बाइक पनि रेस-रेडी रहेको कम्पनीले जनाएको छ । केटीएमआरसी ३९० मा राइड-वाई-वायर, स्लिपर क्लच, एबीएसलगायत प्रिमियम सुविधा छन् । त्यस्तै आरसी २०० आल्मुनियम स्विङ आर्म, ट्रेलिस फ्रेम र अपसाइड डाउन सस्पेन्सनलगायत उच्चस्तरीय सुविधाका साथ बजारमा आएको छ । आरसी ३९० र आरसी २०० दुवै बाइकमा क्रमश: ४३.५ पीएस र २५ पीएसको उच्चस्तरीय क्षमता रहेको कम्पनीको दाबी छ ।
रेसिङ बाइकको रूपमा चिनिएको ३९० डुक २०१७ मा अझ शक्तिशाली रूपमा प्रस्तुत भएको छ । स्प्लिट एलईडी हेडल्याम्प्स, ठूलो स्टिल इन्धन ट्यांक र दोहोरो रङमा विभाजित फ्रेमले बाइकलाई आकर्षक बनाएको छ । यो ४३.५ पीएस पावर तथा ३७ एनएम टर्क भएको शक्तिशाली इन्जिनका साथ आएको छ । बाइकमा राइड-वाई-वायरको प्रयोग भएको छ । यसले थ्रोटल केबल सक्रिय बनाई सेन्सरको प्रयोग गरेर स्मुथ थ्रोटल प्रदान गर्ने कम्पनीले जनाएको छ । यसमा विविध कलरको टीएफटी डिस्प्ले बोर्ड छ जसलाई स्मार्ट फोनसँग पनि कनेक्ट गर्न सकिने कम्पनीले जनाएको छ । बाइकको अघिल्लो पांग्राको डिस्क ब्रेकमा ३२० एमएमको ठूलो मोटर छ । साथै बोस्चको एन्टिलक ब्रेकिङ सिस्टम तथा स्लिपर क्लच सुरक्षा उपकरणका कारण ३९० डुक अतुलनीय रहेको कम्पनीले जनाएको छ ।
यस्तै कम्पनीले नेपाली बजारमा पहिलो पटक २५० डुक पनि भित्याएको छ । यो बाइकमा ३० पीएस पावर, स्लिपर क्लच, हल्का चेसिस र भर्खरै विकसित बोल्ट अन सबफ्रेम जडित छ । यसले घुम्ती तथा भीडभाड भएको ठाँउमा सहज रूपमा मोड्न मद्दत गर्नेछ । यो सेतो तथा सुन्तला रंगमा उपलब्ध गराइएको छ । नयाँ मोडल घोषणाको क्रममा हंसराज हुलासचन्दका कार्यकारी निर्देशक शेखर गोल्छाले पर्फमेन्स र सटिक डिजाइनले केटीएम डुकलाई अरुभन्दा भिन्न बनाएको बताउनुभयो । उहाँले नयाँ केटीएम आरसी २०० कटिङ एज टेक्नोलोजीबाट भरिपूर्ण रहेको उल्लेख गर्नुभयो । स्पोर्ट बाइकको रूपमा परिचय बनाएको नयाँ आरसी ३९०, आरसी २००, ३९० डुक, २५० डुक र २०० डुकको मूल्य क्रमश: ६ लाख ९० हजार, पाँच लाख ३० हजार, ६ लाख ९९ हजार, पाँच लाख ३४ हजार र चार लाख ४४ हजार रुपैयाँ रहेको कम्पनीले जनाएको छ