कलाकार विक्रम परियार हत्या प्रकरणमा संलग्न ६ जना पुर्पक्षका लागि थुनामा
तनहुँ : कलाकार विक्रम परियारको हत्यामा संलग्न ६ जनालाई तनहुँ जिल्ला अदालतले पुर्पक्षका लागि थुनामा राख्ने आदेश दिएको छ । जिल्ला न्यायाधिश अम्बरराज पौडेलको इजलासले घटनामा संलग्नताको आरोपमा प्रहरीले कर्तव्य ज्यान मुद्दा दायर गरेका सबैलाई पुर्पक्षमा पठाउने आदेश गरेको अदालतका श्रेस्तेदार विश्व अर्यालले जानकारी दिनुभयो ।
यसरी कारागार चलान हुनेमा व्यास नगरपालिका वडा नम्बर १ हाईस्कूलटारका २० वर्षका रोशन चन्द र सोही ठाउँका १७ वर्षका मधुसुदन नेपाली र १७ वर्षका रञ्जन ठकुरी तथा व्यास नगरपालिका वडा नम्बर ३ देउरालीनगरका १८ वर्षकी उषा थापा छन् । १६ वर्ष नपुगेका दुईलाई भने अदालतले सुधार गृहमा राख्नका लागि आदेश जारी गरेको छ ।
स्थानीय चुनावमा मतदान गरी फर्केका परियारमाथि गत बैशाख ३१ गते उनीहरुले ढुंगाले आक्रमण गर्दा परियारको घटनास्थलमै ज्यान गएको थियो ।
प्रतिक्रिया दिनुहोस !
