जोया लिम्बुले जितिन् मिस दमकको ताज
दमक: २० जना प्रतिष्पर्धी लाई पछि पार्दै मिस दमकको टाईटल जोयना लिम्बुले जितेकि छिन्। एड लिङ एडभरटाईजिङ्ग दमकले आयोजना गरेको मिस दमक-२०१७ को उपाधि सोमबार राती लिम्बुले हात पारेकि हुन्।
उपाधि हात पारे संगै उनले नगद २० हजार सहित क्राउन र ट्रफि समेत पाएकी छिन्। त्यस्तै फस्ट रनरअप एजिना सिटौला भईन्। उनले नगद ३० हजार, ताज र ट्रफि हात पारिन। सेकेण्ड रनरअपको उपाधि भने दिपा कट्वालले जितेकि छिन्।
उनले नगद २० हजार, ताज र ट्रफि प्राप्त गरिन्। २० जना प्रतिष्पर्धीबाट टप १२ छानिएको थियो भने १२ जनाबाट टप ६ छानिएको थियो। टप ६ मा परेका ६ जनाले नै बिभिन्न उपाधि जितेका छन्।
पब्लिक च्वाइसमा सोफीया गुरुङ , मिस चार्मीङमा रचना बोहोरा र मिसट्यालेन्टमा बिना श्रेष्ठले उपाधि जिते। तिनै जनाले नगद सहित ट्रफि प्राप्त गरेका छन्। यो मिस दमकको दोस्रो संस्करण हो।
प्रतिक्रिया दिनुहोस !
