राष्ट्रसंघका महासचिव अफगानिस्तानमा
काबुल : संयुक्त राष्ट्रसङ्घका महासचिव एन्टोनीओ गुटेरेस अफगानिस्तानको राजधानी काबुल आइपुग्नु भएको छ । आकस्मिक भ्रमणका क्रममा उहाँ बुधबार बिहान काबुल आइपुग्नुभएको अफगानिस्तानस्थित राष्ट्रसंघीय कार्यालयले जानकारी दिएको छ ।‘
राष्ट्रसङ्घीय महासचिव एन्टोनीओ गुटेरेस आज काबुल आइपुग्नुभएको छ, उहाँलाई अफगानिस्तानका लागि संयुक्त राष्ट्रसंघका विशेषदूत तादामिची यामामोतोले स्वागत गर्नुु भयो,’ अफगानिस्तानस्थित राष्ट्रसङ्घीय मिसनद्धारा बुधबार बिहान जारी विज्ञप्तीमा जनाइएको छ ।
महासचिवको यस भ्रमणले अफगान जनताप्रति राष्ट्रसङ्घको सहानुभूती झल्काउने र अफगानिस्तानले केही वर्षयतादेखि भोगिरहेको गृहयुद्धको चुनौतीको सामना गर्न सहयोग पुग्ने राष्ट्रसङ्घको तर्फबाट जारी सो विज्ञप्तिमा जनाइएको छ । यामामोतोले भन्नुभएको छ यो भ्रमणले अफगानिस्तानप्रति राष्ट्रसंघको प्रतिबद्धतालाई पनि झल्काउने बताउनुभयो ।
राष्ट्रसङ्घले अफगानिस्तानलाई शान्ति प्रक्रियाका लागि सघाउने, पछाडि परेका समुदायलाई प्रवद्र्धन गर्ने र सहयोगको पर्खाइमा रहेकाहरुलाई भविष्यमा पनि सघाउने कार्यका लागि भ्रमण उपयोगी हुने अपेक्षा गरिएको विज्ञप्तीमा उल्लेख छ । रासस/सिन्ह्वा